“Рома” ҳужумчиси Пауло Дибала фаолиятини Саудия Арабистонида давом эттиришга тайёр.
Италиялик манбаларга кўра, "бўрилар" форварди Саудиянинг "Ал-Қодисия" клуби билан келишиб олган, у йилига 20 миллион евро маош билан уч йиллик шартнома таклиф қилган.
Football Italia хабарига кўра, "Рома" аргентиналик футболчини сотишдан тахминан 15 миллион евро ишлаб олишни кутмоқда. 30 ёшли футболчининг шартномасидаги 12 миллион евролик товон пули энди ўз ниҳоясига етди, шу боис жаҳон чемпионини ўзига жалб қилмоқчи бўлганлар тўғридан-тўғри Рим клуби билан келишиб олишлари керак.
