"Yuventus" "Portu" futbolchisi Fransishku Konseysau uchun yangi taklif bilan chiqadi.

Bir necha kun oldin olingan xabarlarga ko‘ra, "ajdarlar" 21 yoshli futbolchi borasidagi muzokaralar chog‘ida turinliklar taklifini rad etishgan. Endi "Yuventus" yangi taklif bilan chiqish niyatida, deb xabar beradi Record. Avvalgidek, gap ijara haqida bormoqda - bu safar 8 million yevro va bonuslar ko‘rinishidagi 2 million. Bitim, shuningdek, sotib olish majburiyatini ham o‘z ichiga oladi.

Fransishku Konseysau o‘tgan mavsumda 43 ta o‘yinda 8 ta gol urdi va shuncha golli uzatmani amalga oshirdi.