Angliya Premyer-ligasining 1-turidan o‘rin olgan “Everton” – “Brayton” uchrashuvi boshlandi. Yarim himoyachi Jeyms Milner ilk daqiqalardanoq maydonga tushdi.

BBC xabariga ko‘ra, 38 yoshli Milner rekord o‘rnatdi - u Premyer-liganing 23-mavsumida maydonga tushdi. Ilgari bu rekord Rayan Giggzga tegishli edi - uelslik futbolchi Premyer-liganing 22 mavsumida ishtirok etgan.

Eslatib o‘tamiz, Jeyms Milner birinchi marta 2002/2003 yilgi mavsumda Premyer-ligada o‘ynagan. Angliya oliy divizionida Milner «Lids», «Nyukasl», «Aston Villa», «Manchester Siti», «Liverpul» va «Brayton» klublarida o‘ynagan.

Bu Milnerning Premyer-ligadagi 636-uchrashuvi. Ushbu turnirda eng ko‘p o‘yin o‘tkazish bo‘yicha rekordchi Garet Berri (653) hisoblanadi. Milner mavsum davom etar ekan, bu rekordni yangilashi mumkin.