«Liverpul» Angliya Premyer-ligasining yangi mavsumini g‘alaba bilan boshladi. Arne Slot shogirdlari «Ipsvich»ni mehmonda 2:0 hisobida mag‘lub etishdi. G‘alabadan ko‘p o‘tmay, Slot «qizillar»ning joriy mavsumdagi maqsadlari haqida savol oldi.
«Mavsum oxirini unchalik ko‘p kutayotganim yo‘q. O‘ylaymanki, har bir uchrashuvda himoyaviy nuqtai nazardan ham, to‘p bilan ham qo‘limizdan kelganini qilishimiz kerak. O‘tgan mavsumda o‘yinlar qanday bo‘lganini ko‘rdingiz. Uch ochkoni qo‘lga kiritish uchun raqiblarimizdan yaxshiroq bo‘lishimizga ishonchimiz komil bo‘lishi kerak. Biz buni qilishga harakat qilamiz», dedi Slot.
