«Ливерпуль» Англия Премьер-лигасининг янги мавсумини ғалаба билан бошлади. Арне Слот шогирдлари «Ипсвич»ни меҳмонда 2:0 ҳисобида мағлуб этишди. Ғалабадан кўп ўтмай, Слот «қизиллар»нинг жорий мавсумдаги мақсадлари ҳақида савол олди.
«Мавсум охирини унчалик кўп кутаётганим йўқ. Ўйлайманки, ҳар бир учрашувда ҳимоявий нуқтаи назардан ҳам, тўп билан ҳам қўлимиздан келганини қилишимиз керак. Ўтган мавсумда ўйинлар қандай бўлганини кўрдингиз. Уч очкони қўлга киритиш учун рақибларимиздан яхшироқ бўлишимизга ишончимиз комил бўлиши керак. Биз буни қилишга ҳаракат қиламиз», деди Слот.
