"Chelsi" bosh murabbiyi Enso Mareska o‘z jamoasi futbolchilariga singdirmoqchi bo‘lgan madaniyat haqida gapirdi.

Yakshanba kuni londonliklar APL 1-turi doirasida “Manchester Siti”ni qabul qiladi. Italiyalik mutaxassis uchun bu "ko‘klar" boshchiligidagi ilk rasmiy uchrashuvdir.

"Birgina iqtidor yetarli emas, bu yerda boshqa mayda-chuyda detallar ham bor, maydonda va undan tashqarida ularga e’tibor berish kerak.

Masalan, mavsumoldi o‘yinlaridan birida raqib futbolchisi futbolchimizga qattiq zarba berdi va uning jamoadoshlaridan hech biri uni qo‘llab-quvvatlamadi.

Jamoa kayfiyatini his qilish juda muhim - maydonda bir-biringga yaqin bo‘lishing kerak, go‘yo aka-ukadek, bir-biringni himoya qilishing kerak. Busiz senga qiyin bo‘ladi", - deya Mareskaning so‘zlarini keltiradi PA Sport.