"Челси" бош мураббийи Энцо Мареска ўз жамоаси футболчиларига сингдирмоқчи бўлган маданият ҳақида гапирди.
Якшанба куни лондонликлар АПЛ 1-тури доирасида “Манчестер Сити”ни қабул қилади. Италиялик мутахассис учун бу "кўклар" бошчилигидаги илк расмий учрашувдир.
"Биргина иқтидор етарли эмас, бу ерда бошқа майда-чуйда деталлар ҳам бор, майдонда ва ундан ташқарида уларга эътибор бериш керак.
Масалан, мавсумолди ўйинларидан бирида рақиб футболчиси футболчимизга қаттиқ зарба берди ва унинг жамоадошларидан ҳеч бири уни қўллаб-қувватламади.
Жамоа кайфиятини ҳис қилиш жуда муҳим - майдонда бир-бирингга яқин бўлишинг керак, гўё ака-укадек, бир-бирингни ҳимоя қилишинг керак. Бусиз сенга қийин бўлади", - дея Маресканинг сўзларини келтиради PA Sport.
