"Manchester Siti" Rodrini klubda qoldirish uchun uning maoshini ikki barobarga oshirishga tayyor, deya xabar beradi jurnalist Saymon Mullok.

Agar yangi shartnoma imzolansa, 28 yoshli ispaniyalik futbolchi haftasiga taxminan 375 000 funt maosh oladi, bu esa yillik maoshi taxminan 19,5 million funtni tashkil qiladi.

Klubning faqat ikkita futbolchisi taxminan bir xil pul oladi - Kevin de Bryuyne va Erling Xoland.

Norvegiyalik futbolchining ham maoshi bu mavsumda ko‘tarilishi rejalashtirilgan, ammo Rodri hozirda birinchi o‘rinda turadi.

Yarim himoyachi Pep Gvardiola jamoasida 2019 yilning iyul oyidan buyon o‘ynab kelmoqda, o‘shanda u Madridning "Atletiko" klubidan 70 million yevroga sotib olingan.

Bu vaqt ichida ispaniyalik futbolchi 257 uchrashuvda 26 ta gol urdi va 29 ta golli uzatmani amalga oshirdi.