"Манчестер Сити" Родрини клубда қолдириш учун унинг маошини икки баробарга оширишга тайёр, дея хабар беради журналист Саймон Муллок.
Агар янги шартнома имзоланса, 28 ёшли испаниялик футболчи ҳафтасига тахминан 375 000 фунт маош олади, бу эса йиллик маоши тахминан 19,5 миллион фунтни ташкил қилади.
Клубнинг фақат иккита футболчиси тахминан бир хил пул олади - Кевин де Брюйне ва Эрлинг Холанд.
Норвегиялик футболчининг ҳам маоши бу мавсумда кўтарилиши режалаштирилган, аммо Родри ҳозирда биринчи ўринда туради.
Ярим ҳимоячи Пеп Гвардиола жамоасида 2019 йилнинг июль ойидан буён ўйнаб келмоқда, ўшанда у Мадриднинг "Атлетико" клубидан 70 миллион еврога сотиб олинган.
Бу вақт ичида испаниялик футболчи 257 учрашувда 26 та гол урди ва 29 та голли узатмани амалга оширди.
