Yarim himoyachi Ilkay Gyundogan ehtiyot chorasi sifatida shanba kungi “Valensiya”ga qarshi o‘yinni o‘tkazib yubordi. Shu bilan birga, nemis futbolchisi yozgi transfer oynasi yopilgunga qadar "Barselona"ni tark etishi mumkin.

Marca nashri xabariga ko‘ra, "Barselona" Gyundogan bilan xayrlashishga tayyor. Buning asosiy sababi nemisning yuqori maoshi. Yarim himoyachining mavsumiy maoshi 15 million yevroni tashkil etadi va bu summani balansdan kesib o‘tsa, Dani Olmoni bemalol ro‘yxatdan o‘tkazish mumkin.

Ikkinchi jihat shundaki, Ilkay Gyundogan endi yarim himoyada u qadar muhim o‘yinchi bo‘lmaydi. Dani Olmo kelganidan so‘ng, nemis futbolchisi kamroq o‘yin amaliyotiga ega bo‘ladi. Shu bilan birga, 33 yoshli Gyundoganning o‘zi 2025 yilning o‘rtalariga qadar tuzilgan shartnomani bajarishga ahd qilgani ta’kidlangan.