Ярим ҳимоячи Илкай Гюндоган эҳтиёт чораси сифатида шанба кунги “Валенсия”га қарши ўйинни ўтказиб юборди. Шу билан бирга, немис футболчиси ёзги трансфер ойнаси ёпилгунга қадар "Барселона"ни тарк этиши мумкин.
Marca нашри хабарига кўра, "Барселона" Гюндоган билан хайрлашишга тайёр. Бунинг асосий сабаби немиснинг юқори маоши. Ярим ҳимоячининг мавсумий маоши 15 миллион еврони ташкил этади ва бу суммани балансдан кесиб ўтса, Дани Ольмони бемалол рўйхатдан ўтказиш мумкин.
Иккинчи жиҳат шундаки, Илкай Гюндоган энди ярим ҳимояда у қадар муҳим ўйинчи бўлмайди. Дани Ольмо келганидан сўнг, немис футболчиси камроқ ўйин амалиётига эга бўлади. Шу билан бирга, 33 ёшли Гюндоганнинг ўзи 2025 йилнинг ўрталарига қадар тузилган шартномани бажаришга аҳд қилгани таъкидланган.
