Leverkuzenning "Bayer" klubi markaziy himoyachisi Edmond Tapsoba Saudiya Arabistoni klublarining qiziqishlari doirasiga tushib qoldi, deya xabar beradi insayder Fabrisio Romano.
25 yoshli futbolchi Saudiya Arabistonining yozgi transfer oynasi uchun kengaytirilgan transfer maqsadlari ro‘yxatiga kiritilgan. Ayrim jamoalar uchun u muzokaralarning asosiy maqsadlaridan biri hisoblanadi.
"Bayer" futbolchiga qiziqayotgan jamoalarga uning klubda qolishi haqida aniq signal berdi. “Dorishunoslar” futbolchini o‘z safida saqlab qolishni istashadi va qo‘yib yuborishmaydi.
Burkina-Faso terma jamoasining markaziy himoyachisi 2020 yilning yanvaridan beri "Bayer" klubida o‘ynab kelmoqda. Uning klub bilan amaldagi shartnomasi 2028 yilning yoziga qadar mo‘ljallangan.
O‘tgan mavsumda Tapsoba klub safida 46 ta o‘yinda maydonga tushib, 3 ta gol urdi va 1 ta golli uzatmani amalga oshirdi.
