Леверкузеннинг "Байер" клуби марказий ҳимоячиси Эдмонд Тапсоба Саудия Арабистони клубларининг қизиқишлари доирасига тушиб қолди, дея хабар беради инсайдер Фабрицио Романо.
25 ёшли футболчи Саудия Арабистонининг ёзги трансфер ойнаси учун кенгайтирилган трансфер мақсадлари рўйхатига киритилган. Айрим жамоалар учун у музокараларнинг асосий мақсадларидан бири ҳисобланади.
"Байер" футболчига қизиқаётган жамоаларга унинг клубда қолиши ҳақида аниқ сигнал берди. “Доришунослар” футболчини ўз сафида сақлаб қолишни исташади ва қўйиб юборишмайди.
Буркина-Фасо терма жамоасининг марказий ҳимоячиси 2020 йилнинг январидан бери "Байер" клубида ўйнаб келмоқда. Унинг клуб билан амалдаги шартномаси 2028 йилнинг ёзига қадар мўлжалланган.
Ўтган мавсумда Тапсоба клуб сафида 46 та ўйинда майдонга тушиб, 3 та гол урди ва 1 та голли узатмани амалга оширди.
