Yozda "Bavariya"ga o‘tgan portugaliyalik yarim himoyachi Joau Palinya Myunxen klubiga o‘tishi haqida fikr bildirdi.
"Bavariya"dek katta klub vakili bo‘lganingizda, siz eng yuqori darajaga erishasiz. Men orzumga erishdim, lekin bu yerda muvaffaqiyatga erishganimda orzuni to‘liq amalga oshirilganini his qilaman.
Nafaqat “Bavariya” bilan shartnoma imzolash, balki bu yerda muvaffaqiyat qozonish ham orzum. Bu yerda o‘z hikoyamni yozib, sovrinlar yutib olmoqchiman.
O‘tgan mavsum klub va muxlislar uchun og‘ir bo‘lganini bilaman va bu mavsumda nimadir yutish uchun borimizni berishimiz kerak", - deya Palinyaning so‘zlarini keltiradi Bundesliga rasmiy sayti.
