"Barselona" moliyaviy ahvolini yaxshilash uchun bir qancha futbolchilar bilan xayrlashishni rejalashtirmoqda.
"Blaugrana" rahbariyati xayrlashishni kutayotgan futbolchilar ro‘yxatiga birinchi navbatda markaziy himoyachilar Kleman Langle va Mikayl Faye, shuningdek, hujumchi Vitor Roke kiradi, deya xabar beradi insayder Matteo Moretto. Hozirda "Barselona" joriy transfer oynasi yopilgunga qadar uchalasini ham sotish ustida faol ishlamoqda. Kataloniya grandi yangi o‘yinchilarni ro‘yxatdan o‘tkazish uchun maosh xarajatlarini kamaytirishi kerak.
La Liganing 1-tur uchrashuvida “Barselona” safarda “Valensiya”ni mag‘lub etdi (2:1). Shanba kuni Xans-Diter Flik shogirdlari o‘z maydonida Bilbaoning "Atletik"iga qarshi bahs olib boradi.
