"Барселона" молиявий аҳволини яхшилаш учун бир қанча футболчилар билан хайрлашишни режалаштирмоқда.
"Блауграна" раҳбарияти хайрлашишни кутаётган футболчилар рўйхатига биринчи навбатда марказий ҳимоячилар Клеман Лангле ва Микайл Файе, шунингдек, ҳужумчи Витор Роке киради, дея хабар беради инсайдер Маттео Моретто. Ҳозирда "Барселона" жорий трансфер ойнаси ёпилгунга қадар учаласини ҳам сотиш устида фаол ишламоқда. Каталония гранди янги ўйинчиларни рўйхатдан ўтказиш учун маош харажатларини камайтириши керак.
Ла Лиганинг 1-тур учрашувида “Барселона” сафарда “Валенсия”ни мағлуб этди (2:1). Шанба куни Ханс-Дитер Флик шогирдлари ўз майдонида Бильбаонинг "Атлетик"ига қарши баҳс олиб боради.
