Fransiyaning «Lion» klubi o‘zining barcha futbolchilarini sotuvga qo‘ydi, deb xabar beradi "L'Equipe".

Manbaga ko‘ra, Liga 1 klubi Fransiya chempionatida moliyaviy feyr-pley bilan bog‘liq muammolar yuzaga kelmasligi uchun yozgi oyna tugagunga qadar o‘yinchilarni sotishdan 100 million yevro ishlab olishi kerakligi sababli shunday qarorga kelgan. Qayd etilishicha, «Lion» qishda bu summani ishlab olishga va’da bergan, biroq uni bajara olmagan.

"Transfermarkt" portali ma’lumotlariga ko‘ra, klubning butun asosiy tarkibi 261,5 million yevroga baholangan.