Франциянинг «Лион» клуби ўзининг барча футболчиларини сотувга қўйди, деб хабар беради "L'Equipe".
Манбага кўра, Лига 1 клуби Франция чемпионатида молиявий фейр-плей билан боғлиқ муаммолар юзага келмаслиги учун ёзги ойна тугагунга қадар ўйинчиларни сотишдан 100 миллион евро ишлаб олиши кераклиги сабабли шундай қарорга келган. Қайд этилишича, «Лион» қишда бу суммани ишлаб олишга ваъда берган, бироқ уни бажара олмаган.
"Transfermarkt" портали маълумотларига кўра, клубнинг бутун асосий таркиби 261,5 миллион еврога баҳоланган.
