"Barselona" yarim himoyachisi Frenki de Yong yozda jamoani tark etishi mumkin.
Kataloniyaliklar moliyaviy qiyinchiliklarni hal qilish uchun yuqori maosh oladigan futbolchilaridan biri bilan xayrlashishi kerak.
Bunday futbolchi De Yong bo‘lishi mumkin. Relevo xabariga ko‘ra, "Barselona" joriy transfer davrida uni sotishga harakat qilgan.
Yarim himoyachining jarohati tufayli buning iloji bo‘lmadi, u noma’lum muddatga safdan chiqdi. Frenki de Yong aprel oyida "Real"ga qarshi o‘yindan beri maydonga tushmadi.
27 yoshli futbolchining shartnomasi 2026 yilning o‘rtalariga qadar mo‘ljallangan.