«Barselona» yozda katta qiyinchiliklar bilan «Leypsig»dan sotib olgan Dani Olmo ketma-ket ikkinchi o‘yinda ham ishtirok eta olmasligi mumkin.

26 yoshli ispaniyalik futbolchini «ko‘k-anorranglilar» rahbariyati ro‘yxatdan o‘tkaza olmayapti. Ilkay Gyundoganning ketishi ham hozircha bunga yordam bermadi. Agar ertagacha jamoada yangi sotuvlar bo‘lmasa, Olmo «Atletik»ka qarshi o‘yinni ham o‘tkazib yuborishi mumkin.

Kataloniyaliklarning undan keyingi o‘yini seshanba kuni safarda «Rayo Valyekano»ga qarshi bo‘ladi.