Manuel Noyer Germaniya terma jamoasini tark etishga qaror qilgani haqida gapirdi. 38 yoshli darvozabon avvalroq terma jamoadagi faoliyatini yakunlash qarorini ma’lum qilgandi.

“Hurmatli Germaniya, endi terma jamoadagi faoliyatimni yakunlaganimdan keyin Instagram'dagi postimdan biroz ko‘proq narsani yozmoqchiman.

Men sizga Germaniya men uchun nimani anglatishini tushuntirmoqchiman. Futbol men uchun nimani anglatadi?

Chunki, ochig‘i, bu qaror qiyin bo‘ldi. Men ongim bilan yuragim o‘rtasida arosatda qoldim. Ammo oilam bilan gaplashganimdan so‘ng, o‘zimni kerakli vaqtda ketayotgandek his qilyapman.

Yevroda g‘alaba qozonish orqali terma bilan xayrlashishni istardim, lekin... 18 oy oldin men yana futbol o‘ynay olamanmi, deb o‘ylagandim.

Avvaliga oyog‘imni sindirganimda, bu unchalik jiddiy ish emas, deb o‘yladim. Vertolyot meni olib ketadi, shifokorlar o‘z ishlarini qilishadi, men esa maydonga qaytaman.

Ammo men kasalxonaga borganimda, bu oddiy sinish emasligi aniq bo‘ldi. Futbolchi sifatida kelajagim shubha ostida edi.

Men qo‘rqib ketdim. Menimcha, hamma bundan qo‘rqib ketadi.

Men faxrlanadigan narsa shundaki, men hech qachon taslim bo‘lmaganman.Kurashni davom ettirdim. Oilam, do‘stlarim va jamoadoshlarim yordamida 2023-yil oktyabr oyida, Yevroga yetti oydan kamroq vaqt qolganida maydonga qaytdim.

Turnir uchun jamoaga jalb qilinganimda, bu hayotimdagi eng muhim yutuqlardan biri bo‘ldi”, deb yozadi “Bavariya” darvozaboni Manuel Noyer.