Londonning “Chelsi” klubi yarim himoyachisi Moyzes Kaysedo jamoaning hozirgi bosh murabbiyi Enso Mareska yangilik olib kelganini aytdi.
Italiyalik mutaxassis o‘tgan mavsum oxirida Maurisio Pochettino o‘rniga “ko‘klar” boshqaruvini qabul qilib olgandi.
“Tizimimiz o‘zgardi: murabbiy bizdan doimo o‘zimizni ma’lum bir tarzda muqim ushlab turishni talab qiladi.
Balki o‘tgan mavsumda Pochettino qo‘l ostida ko‘proq erkinlik bo‘lgandir, biz o‘z ixtiyorimizga ko‘ra maydonda harakat qilishimiz, individualligimizni tez-tez ko‘rsatishimiz mumkin edi.
Ammo biz yosh ekanligimizni tushunishimiz kerak va Mareskaning usullari bizga ko‘p narsalarni o‘rganishga yordam beradi", dedi Kaysedo.
