Лондоннинг “Челси” клуби ярим ҳимоячиси Мойзес Кайседо жамоанинг ҳозирги бош мураббийи Энцо Мареска янгилик олиб келганини айтди.
Италиялик мутахассис ўтган мавсум охирида Маурисио Почеттино ўрнига “кўклар” бошқарувини қабул қилиб олганди.
“Тизимимиз ўзгарди: мураббий биздан доимо ўзимизни маълум бир тарзда муқим ушлаб туришни талаб қилади.
Балки ўтган мавсумда Почеттино қўл остида кўпроқ эркинлик бўлгандир, биз ўз ихтиёримизга кўра майдонда ҳаракат қилишимиз, индивидуаллигимизни тез-тез кўрсатишимиз мумкин эди.
Аммо биз ёш эканлигимизни тушунишимиз керак ва Маресканинг усуллари бизга кўп нарсаларни ўрганишга ёрдам беради", деди Кайседо.
