Superligada 17-tur bahslari davom ettirildi. "Navbahor" jamoasi bu tur safarda "Surxon" bilan kuch sinashdi va Siyavash Haqnazariyning yagona goli evaziga g‘alabaga erishdi. Bellashuvdan so‘ng jamoa bosh murabbiyi Sergey Lushchan matbuot anjumanida ishtirok etdi.
O‘yin va natijadan ko‘nglim to‘ldi. Mening boshqaruvimda jamoa ilk bor darvozasidan gol olib chiqmadi va birinchi bo‘lib gol kiritdi.
Umid qilamizki, bu g‘alaba "Paxtakor" bilan o‘yin oldidan ruhiy dalda bo‘ladi?!
Albatta, hozir aynan biz ishlayotgan ikkinchi aspekt ruhiy xolat bilan bog‘liq. Futbolchilarimizning o‘yin darajasi raqiblarnikidan baland, biroq gol kiritishga kelganda oqsayapmiz. Nega ekanligini bilmayman. Vaholanki, mashg‘ulotlarda mo‘jiza ko‘rsatib tashlayapmiz. Yigitlar birinchi davrada keragidan ortiq o‘yinda ochko yo‘qotgani uchun cho‘chib qolgan. Chempionlik maqsadi qo‘yilgan jamoaga tashabbusga ega bo‘lgan xolda 7 ta durang o‘ynashi salbiy ta’sir qilgan. Mana shunday og‘ir uchrashuvlardan so‘ng barchada ruhiy holat yaxshilanib, o‘z kuchiga ishonch paydo bo‘lishni boshlaydi. Yarim finaldagi g‘alaba o‘zimizni yanada yaxshiroq his qilish imkonini beradi.
Bugun raqibni yaxshi o‘rganganingiz haqida aytingiz. Abdusalomovni zich zonada qoldirish ham rejada bormidi?
Takrorlayman, biz juda kichik detallargacha o‘rgandik. Bir hafta davomida aynan shu uchrashuv uchun tayyorgarlik ko‘rdik. Yaxshi jamoa shakllangan "Surxon"da. Biz ustunlikni topshirgan holda, ikkinchi raqamda o‘ynadik. Menimcha, natija adolatli bo‘ldi. Yakunda, hisobni kattalashtirishimiz ham mumkin edi. Raqibdan 100 foizlik imkoniyat bo‘lganini eslay olmayman. Yigitlar bugun mudofaada ishonchli o‘yin ko‘rsatdi.
