CAS sentyabr oyida "Vest Xem" va SSKA o‘rtasidagi bahs bo‘yicha tinglov o‘tkazadi.
2023-yilning iyun oyida “Vest Xem” FIFAning Nizolarni hal qilish palatasining Nikola Vlashich transferi uchun SSKA oldidagi qarzini to‘lashga majburlagan qarori ustidan Sport arbitraj sudiga apellyasiya berdi.
Qarz miqdori 17,4 million yevroni tashkil etdi - agar o‘sha yilning 31 iyuliga qadar to‘lanmasa, tovonning umumiy miqdori 25,65 million yevroga oshadi va "Vest Xem" 3 yilga transfer taqiqiga tortiladi.
“TASS”ning CAS saytiga tayanib xabar berishicha, “Vest Xem”ning apellyasiyasi bo‘yicha tinglov 26-sentyabrga belgilangan.
Vlashich 2021 yilning yozida SSKAdan "Vest Xem"ga o‘tgan edi. Xorvatiyalik yarim himoyachi hozirda "Torino"da o‘ynaydi.
