CAS сентябрь ойида "Вест Хэм" ва ЦСКА ўртасидаги баҳс бўйича тинглов ўтказади.

2023-йилнинг июнь ойида “Вест Хэм” ФИФАнинг Низоларни ҳал қилиш палатасининг Никола Влашич трансфери учун ЦСКА олдидаги қарзини тўлашга мажбурлаган қарори устидан Спорт арбитраж судига апелляция берди.

Қарз миқдори 17,4 миллион еврони ташкил этди - агар ўша йилнинг 31 июлига қадар тўланмаса, товоннинг умумий миқдори 25,65 миллион еврога ошади ва "Вест Хэм" 3 йилга трансфер тақиқига тортилади. 

“ТАСС”нинг CAS сайтига таяниб хабар беришича, “Вест Хэм”нинг апелляцияси бўйича тинглов 26-сентябрга белгиланган.

Влашич 2021 йилнинг ёзида ЦСКАдан "Вест Хэм"га ўтган эди. Хорватиялик ярим ҳимоячи ҳозирда "Торино"да ўйнайди.