Kecha, 31 avgust kuni Ispaniya chempionatining 4-turidan o‘rin olgan “Valensiya” va “Vilyarreal” uchrashuvida durang qayd etildi – 1:1.
Gollarga Ugo Duro (24) va Ayose Peres (45+3) mualliflik qilishdi.
Bu durang “Valensiya”ga joriy mavsumdagi ilk ochkosini keltirdi, bungacha “Atletik” (0:1), “Selta” (1:3) va “Barselona” (1:2) bilan o‘yinlarda uchta mag‘lubiyat alamini totib ko‘rgan edi.
La Liganing dastlabki 4 turida qo‘lga kiritilgan 1 ochko klubning 21-asrdagi ikkinchi eng yomon natijasi hisoblanadi.
2016/17 yilgi mavsumda bundan ham yomonroq start qayd etilgandi, o‘shanda Pako AYEstaran boshchiligidagi jamoa 0 ochko jamg‘argandi. Natijada u ishdan bo‘shatildi va uning o‘rniga 30 dekabrgacha ishlagan Chezare Prandelli taklif qilindi.
Jamoa mavsumni Voro bilan yakunladi, bu esa “ko‘rshapalaklar”ning 12-o‘rinni egallashiga yordam berdi.
