Londonning “Chelsi” klubi bosh murabbiyi Enso Mareska hujumchi Nikolas Jekson bilan shartnoma uzaytirilishi mumkinligi haqidagi ma’lumotlarga javob berdi.

Angliya premer-ligasining 3-turidan o‘rin olgan "Kristal Pelas" bilan o‘yindan so‘ng (1:1) Mareska 23 yoshli Jekson haqiqatan ham tez orada "Chelsi" bilan mehnat shartnomasini 2033 yilgacha uzaytirishi kerakligini aytdi.

Eslatib o‘tamiz, Jekson “ko‘klar” safida 2023 yilning yozidan buyon o‘ynab kelmoqda. Joriy mavsumda futbolchi barcha turnirlarda to‘rtta o‘yinda ishtirok etib, ikkita gol urdi va bitta golli uzatmani amalga oshirdi.