Italiya terma jamoasi bosh murabbiyi Luchano Spaletti jamoaning Yevropa chempionatidagi omadsizligi sabablaridan biri o‘zining xatolari ekanligini tan oldi.
"Biz kelajakka ijobiy ko‘z bilan qarashimiz kerak, yangi davr boshlanmoqda. Bizda ajoyib xislatlarga ega bo‘lgan o‘yinchilar bor, biroq ularda hali tajriba kam.
O‘ylashimcha, Shveysariya bilan o‘yinda nafaqat raqibga, balki o‘zimizga ham mag‘lub bo‘ldik. Ehtimol, men hozir Yevrodagi vaziyatga qaraganda ancha xotirjamman. O‘shanda ko‘p narsalarni murakkablashtirdim.
Ehtimol, bu xato edi. Men allaqachon futbolchilarga buning uchun javobgar emasligini aytganman", - deya Spalettining so‘zlaridan iqtibos keltiradi Football Italia.
