Италия терма жамоаси бош мураббийи Лучано Спалетти жамоанинг Европа чемпионатидаги омадсизлиги сабабларидан бири ўзининг хатолари эканлигини тан олди.
"Биз келажакка ижобий кўз билан қарашимиз керак, янги давр бошланмоқда. Бизда ажойиб хислатларга эга бўлган ўйинчилар бор, бироқ уларда ҳали тажриба кам.
Ўйлашимча, Швейцария билан ўйинда нафақат рақибга, балки ўзимизга ҳам мағлуб бўлдик. Эҳтимол, мен ҳозир Евродаги вазиятга қараганда анча хотиржамман. Ўшанда кўп нарсаларни мураккаблаштирдим.
Эҳтимол, бу хато эди. Мен аллақачон футболчиларга бунинг учун жавобгар эмаслигини айтганман", - дея Спалеттининг сўзларидан иқтибос келтиради Football Italia.
