Angliya terma jamoasi bosh murabbiyi Li Karsli davlat madhiyasini kuylash niyati yo‘qligini aytdi.
Garet Sautgeyt ketganidan keyin tayinlangan terma jamoaning vaqtinchalik bosh murabbiyi Millatlar ligasidagi ilk uchrashuvini Irlandiya Respublikasiga qarshi o‘tkazadi. O‘yin bugun Dublinda bo‘lib o‘tadi.
Karsli Birmingemda tug‘ilgan, ammo futbolchi sifatida Irlandiya sharafini xalqaro miqyosda himoya qilgan.
"Bu madhiyani kuylash men Irlandiya terma jamoasida o‘ynaganimda doim muammolarga duch kelganman.
O‘yinoldi mashg‘ulot va maydonga chiqish o‘rtasidagi pauzaga madhiyalar bilan kechikish qo‘shildi. Shu sababli, men hech qachon bunday qilmaganman. Men doimo o‘yinga va uchrashuvdagi ilk harakatlarimga e’tibor qaratganman. O‘sha paytda bu meni chalg‘itishi mumkinligidan juda xavotirda edim. Men bor e’tiborimni futbolga qaratganman va buni murabbiy sifatida inobatga olganman.
Biz 21 yoshgacha bo‘lgan terma jamoa bilan ham davlat madhiyasini ijro etdik va o‘sha paytda to‘liq e’tiborimni qaratishim kerak edi. Men jamoani raqib qanday tashkil etishi, o‘yindagi birinchi harakatlarimiz haqida o‘yladim.
Men ikkala madhiyani ham hurmat qilaman va ular har ikki davlat uchun qanchalik muhimligini tushunaman" - dedi Karsli.
