«Al-Hilol» va Braziliya terma jamoasining 32 yoshli qanot vingeri, o‘tgan kuzdan buyon xochsimon bog‘lami yirtilganidan keyin tuzalib kelayotgan Neymar kerakli tibbiy va jismoniy tekshiruvlardan o‘ta olmadi, shu bois uning maydonga qaytishiga ko‘proq vaqt kerak bo‘ladi. Bu haqda X (sobiq "Twitter") ijtimoiy tarmog‘ida "Thamer" xabar berdi.

Braziliyalik futbolchi Saudiya klubiga 2023 yilning yozida ko‘chib o‘tgandi. Bu davrda u barcha turnirlarda beshta uchrashuvda qatnashib, bitta gol va uchta golli uzatmani amalga oshirdi. Futbolchining klub bilan amaldagi mehnat shartnomasi 2025 yilning yoziga qadar amal qiladi. "Transfermarkt" portalida berilgan ma’lumotlarga ko‘ra, futbolchining bozor qiymati 30 million yevroni tashkil qiladi.