«Ал-Ҳилол» ва Бразилия терма жамоасининг 32 ёшли қанот вингери, ўтган куздан буён хочсимон боғлами йиртилганидан кейин тузалиб келаётган Неймар керакли тиббий ва жисмоний текширувлардан ўта олмади, шу боис унинг майдонга қайтишига кўпроқ вақт керак бўлади. Бу ҳақда Х (собиқ "Twitter") ижтимоий тармоғида "Thamer" хабар берди.
Бразилиялик футболчи Саудия клубига 2023 йилнинг ёзида кўчиб ўтганди. Бу даврда у барча турнирларда бешта учрашувда қатнашиб, битта гол ва учта голли узатмани амалга оширди. Футболчининг клуб билан амалдаги меҳнат шартномаси 2025 йилнинг ёзига қадар амал қилади. "Transfermarkt" порталида берилган маълумотларга кўра, футболчининг бозор қиймати 30 миллион еврони ташкил қилади.
