Jyul Kunde o‘zining kiyinish uslubi va unga bo‘lgan munosabati haqida gapirdi.

Hafta boshida himoyachi Fransiya terma jamoasiga britaniyalik dizayner Simone Rocha tomonidan yaratilgan qora yubka va yirtilgan detallari bor tor futbolkada yetib keldi. O‘tgan may oyida u poshnalik etik kiygan edi.

"Men buni birinchi navbatda men yoqtirganim uchun qilaman. Men kiygan narsamda o‘zimni qulay his qilaman.

Agar u ham ba’zi odamlarning qarashlarini kengaytira olsa... Masalan, poshnani oling. Erkaklar har doim ularni kiyib yurishgan. Ular faqat ayollar uchun mo‘ljallangan, deyish faqat bilim yetishmasligi bilan bog‘liq bo‘lishi mumkin.

Yana bir bor takrorlayman: har kim o‘zi xohlagan narsani qilishda erkindir. Bu mening fikrim. Agar o‘zingizni yaxshi his qilsangiz, boshqalar nima deyishining ahamiyati yo‘q" - dedi Fransiya va “Barselona” himoyachisi Téléfoot nashriga bergan intervyusida.