Li Karsli Irlandiyaga qarshi o‘yin oldidan madhiyani kuylamaganligi haqidagi tanqidlar haqida gapirdi.
Angliya terma jamoasi Millatlar ligasida Garet Sautgeyt ketganidan keyin tayinlangan vaqtinchalik bosh murabbiy qo‘l ostidagi birinchi o‘yinda Irlandiyani 2:0 hisobida mag‘lub etdi. O‘yin oldidan Irlandiya terma jamoasini futbolchi sifatida xalqaro maydonda o‘ynagan Karsli davlat madhiyasini kuylash niyati yo‘qligini aytdi.
"Bu mening kunim va o‘yinga tayyorgarligimga ta’sir qilmadi. Ertasi kuni ertalab mening bayonotimga munosabat haqida bilib oldim. Men odamlarning fikrini butunlay hurmat qilaman. Men hech qachon bunday qilmaganman (o‘yinlar oldidan madhiyani kuylamaganman - muallif), lekin ikkala davlat madhiyasini ham hurmat qilaman.
Bu kunni faoliyatimdagi eng baxtli kunlardan biri deb atash mumkin, chunki men Dublinda Angliya terma jamoasini boshqardim. Ehtimol, siz bu haqda yozmassiz.
Men xafa emasman. Men hammaning fikrini hurmat qilaman. Futbolchilar madhiyani baland ovozda kuylagan jamoalarda ham, futbolchilar ham, murabbiylar ham kuylamagan jamoalarda ham o‘ynaganman", - dedi Karsli.
