Asli Indoneziyada tug‘ilgan belgiyalik yarim himoyachi Radja Nainggolan 2018 yilda Milanning "Inter" klubiga o‘tdi, ammo u yerda futbolchining ishlari yurishmadi. Natijada Radja shartnomasining katta qismini ijara asosida boshqa klublarda o‘tkazdi. U nima sababdan "Inter"da ishlari o‘xshamagani haqida gapirdi.

"Balki "Roma" bilan xayrlashganimdagi qayg‘u shunchalik kuchli bo‘lganki, yangi ishga yondashuvim biroz sust bo‘lib chiqdi. Ular mendan "Inter"da baxtlimisiz deb so‘rashdi va men "ha" deb javob berdim, lekin "Roma" uchun qayg‘urasizmi, deb so‘rashsa ham, men "ha" deb javob bergan bo‘lardim va bu qayg‘u kuchliroq edi", - deb Nainggolan so‘zlarini keltiradi pianetmilan.it