Асли Индонезияда туғилган бельгиялик ярим ҳимоячи Раджа Наингголан 2018 йилда Миланнинг "Интер" клубига ўтди, аммо у ерда футболчининг ишлари юришмади. Натижада Раджа шартномасининг катта қисмини ижара асосида бошқа клубларда ўтказди. У нима сабабдан "Интер"да ишлари ўхшамагани ҳақида гапирди.

"Балки "Рома" билан хайрлашганимдаги қайғу шунчалик кучли бўлганки, янги ишга ёндашувим бироз суст бўлиб чиқди. Улар мендан "Интер"да бахтлимисиз деб сўрашди ва мен "ҳа" деб жавоб бердим, лекин "Рома" учун қайғурасизми, деб сўрашса ҳам, мен "ҳа" деб жавоб берган бўлардим ва бу қайғу кучлироқ эди", - деб Наингголан сўзларини келтиради pianetmilan.it