Italiya terma jamoasi markaziy himoyachisi Alessandro Bastoni jamoaning o‘yini haqida gapirdi.
Italiyaliklar Millatlar ligasini muvaffaqiyatli boshlab, Fransiya (3:1) va Isroil (2:1)ni mag‘lub etishdi. Har ikki o‘yin ham safarda o‘tkazildi.
"Fransiyaga qarshi o‘yindan keyin yana uch ochkoni qo‘lga kiritish juda muhim edi. Biz Yevro-2024dagi muvaffaqiyatsizlik xotiralaridan xalos bo‘lish uchun xuddi shu ruhda davom etishimiz kerak.
Yevropa chempionati o‘ziga xos sovuq dushga aylandi - yondashuvimiz noto‘g‘ri edi, biz mas’uliyatni o‘z zimmamizga oldik. Endi biz bu bobni ortda qoldirib, barchasini noldan boshlamoqchimiz”, dedi “Inter” vakili Bastoni.
