Италия терма жамоаси марказий ҳимоячиси Алессандро Бастони жамоанинг ўйини ҳақида гапирди.
Италияликлар Миллатлар лигасини муваффақиятли бошлаб, Франция (3:1) ва Исроил (2:1)ни мағлуб этишди. Ҳар икки ўйин ҳам сафарда ўтказилди.
"Францияга қарши ўйиндан кейин яна уч очкони қўлга киритиш жуда муҳим эди. Биз Евро-2024даги муваффақиятсизлик хотираларидан халос бўлиш учун худди шу руҳда давом этишимиз керак.
Европа чемпионати ўзига хос совуқ душга айланди - ёндашувимиз нотўғри эди, биз масъулиятни ўз зиммамизга олдик. Энди биз бу бобни ортда қолдириб, барчасини нолдан бошламоқчимиз”, деди “Интер” вакили Бастони.
