Germaniya terma jamoasi bosh murabbiyi Yulian Nagelsmann Niderlandiyaga (2:2) qarshi Millatlar ligasi o‘yinidagi hakamning xatolari haqida gapirdi.
Murabbiyning so‘zlariga ko‘ra, bosh hakam Davide Massa Jamol Musialga yaqqol qo‘pollik qilingani uchun penalti belgilamagan, shuningdek, Germaniyaning xavfli hujumini so‘nggi hushtagi chalinib bartaraf etgan.
"So‘nggi soniyalarda hujum qilganimizda ajoyib imkoniyatga ega bo‘ldik. Tushunmadim hakam nega hushtak chaldi.
Musiala bilan epizod sof penalti. Simons juda kech qoldi va Jamolning oyog‘iga tepdi. Bu bilan hech kim rozi bo‘lmasligi dargumon. Agar bu maydon markazida sodir bo‘lganida, qoidabuzarlik aniq qayd etilardi", - deydi Nagelsmann.
