Германия терма жамоаси бош мураббийи Юлиан Нагельсманн Нидерландияга (2:2) қарши Миллатлар лигаси ўйинидаги ҳакамнинг хатолари ҳақида гапирди.
Мураббийнинг сўзларига кўра, бош ҳакам Давиде Масса Жамол Мусиалга яққол қўполлик қилингани учун пенальти белгиламаган, шунингдек, Германиянинг хавфли ҳужумини сўнгги ҳуштаги чалиниб бартараф этган.
"Сўнгги сонияларда ҳужум қилганимизда ажойиб имкониятга эга бўлдик. Тушунмадим ҳакам нега ҳуштак чалди.
Мусиала билан эпизод соф пенальти. Симонс жуда кеч қолди ва Жамолнинг оёғига тепди. Бу билан ҳеч ким рози бўлмаслиги даргумон. Агар бу майдон марказида содир бўлганида, қоидабузарлик аниқ қайд этиларди", - дейди Нагельсманн.
