Ayni kunlarda Portugaliyaning Kaldash-da-Rainya shahrida zamonaviy beshkurash bo‘yicha U-17 yosh toifasidagi jahon chempionati o‘tkazilayotgani haqida ma’lum qilgan edik.

Bugunga kelib, jamoaviy estafeta bellashuvlari o‘z yakuniga yetdi.

Dunyo birinchiligida 3 nafar sportchimiz qatnashmoqda. Ulardan ikki nafari Mehriniso Qahramonova hamda Mubinaxon Qodirjonova jamoaviy estafeta bellashuvlarida 1312 ochko jamg‘arib, o‘ninchi o‘rinni egallashdi.

Endi yurtdoshlarimiz yakkalik dasturida sovrinli o‘rinlar uchun kurash olib borishadi. Qur’aga ko‘ra, Samira Abzalova saralashning A, Mehriniso Qahramonova hamda Mubinaxon Qodirjonova V guruhida keyingi bosqich yo‘llanmasi uchun startga chiqishadi.