Айни кунларда Португалиянинг Калдаш-да-Раиня шаҳрида замонавий бешкураш бўйича U-17 ёш тоифасидаги жаҳон чемпионати ўтказилаётгани ҳақида маълум қилган эдик.
Бугунга келиб, жамоавий эстафета беллашувлари ўз якунига етди.
Дунё биринчилигида 3 нафар спортчимиз қатнашмоқда. Улардан икки нафари Меҳринисо Қаҳрамонова ҳамда Мубинахон Қодиржонова жамоавий эстафета беллашувларида 1312 очко жамғариб, ўнинчи ўринни эгаллашди.
Энди юртдошларимиз яккалик дастурида совринли ўринлар учун кураш олиб боришади. Қуръага кўра, Самира Абзалова саралашнинг А, Меҳринисо Қаҳрамонова ҳамда Мубинахон Қодиржонова В гуруҳида кейинги босқич йўлланмаси учун стартга чиқишади.
