Bundan roppa-rosa 25 yil muqaddam, 1999 yilning 12 sentyabrida darvozabon Iker Kasilyas «Real» safida debyut qilgan edi. Bu Ispaniya chempionati doirasida Bilbaoda «Atletik»ga qarshi safar uchrashuvida sodir bo‘ldi. Kasilyas butun 90 daqiqa o‘ynadi va ikki bor gol o‘tkazib yubordi. O‘sha o‘yin 2:2 hisobida durang bilan yakunlangan.

Ko‘p o‘tmay, 1999/2000 yilgi mavsumda Kasilyas «Real Madrid»ning asosiy darvozaboni bo‘ldi. Umuman olganda, darvozabon «Los-Blankos» safida 725 ta rasmiy o‘yin o‘tkazib, 751 ta gol o‘tkazib yuborgan.

Eslatib o‘tamiz, Iker Kasilyas 2020 yilda yuragi bilan bog‘liq muammolar tufayli faoliyatini yakunlagan.