«Barselona» yarim himoyachisi Dani Olmo Ispaniya chempionatining joriy mavsumining ikkinchi qismini o‘tkazib yuborishi mumkin.

"Marca" xabariga ko‘ra, «Barselona» moliyaviy jihatdan juda yaxshi ish qildi va maoshini oshirishga muvaffaq bo‘ldi, ammo klub hali ham 1:1 qoidasiga qaytmagan. Vaziyat tez orada o‘zgarmasa, yanvar oyida «blaugrana» Olmoni mavsumning ikkinchi qismi uchun ro‘xatdan o‘tkaza olmaydi, deya ta’kidlaydi manba.

Eslatib o‘tamiz, 26 yoshli futbolchi yozgi transfer oynasida «Barselona» futbolchisiga aylandi. Kataloniyaliklar tarkibida u ikkita uchrashuvda qatnashib, ikkita gol urdi.