Rodri "Oltin to‘p"ni qo‘lga kiritish ispaniyaliklar uchun nimani anglatishini aytdi.
"Ha, albatta, bu men uchun orzu bo‘lardi. Ko‘pchilik aytadiki, agar Rodri "Oltin to‘p" yutgan bo‘lsa, nega Inyesta yoki Xavi yutmagan?
Men bunga qisman roziman. Bular butun boshli katta davrni belgilagan, tarixdagi eng yaxshi futbolchilar edi, lekin ular Lionel Messi va Krishtianu Ronalduni o‘z ichiga olgan avlodning bir qismi bo‘lganlari ham haqiqat.
Lekin sovrinni qo‘lga kiritish men uchun ham, yurtim uchun ham faxr bo‘lardi. Sovrinni yutgan oxirgi ispaniyalik ko‘p yillar oldin o‘ynagan Luis Suares Miramontes bo‘lgan edi.
Albatta, men uni kuzatmaganman va u haqida ko‘p narsa bilmayman, lekin futbol tarixidagi eng yaxshi mamlakatlardan birida "Oltin to‘p"ni qo‘lga kiritgan futbolchilar ko‘p emasligi meni hayratda qoldiradi.
Lekin bu futbol. O‘tgan yillar davomida bizda ajoyib o‘yinchilar bo‘lgan, biroq menimcha, Ispaniya bunga loyiq, chunki bizda klublar va mamlakat uchun tarix yaratayotgan ajoyib o‘yinchilar bor", dedi “Manchester Siti” yarim himoyachisi.
