Ispaniya chempionatining 5-turi doirasida "Real Madrid" safarda "Real Sosyedad" klubi mehmoni bo‘ldi.

Mezbonlar birinchi bo‘limda juda yaxshi o‘yin namoyish etishdi. Tanaffusga qadar mezbonlar tomonidan yo‘llangan zarbalar natijasida to‘p 2 marta "Madrid" darvozasi to‘siniga tekkan bo‘lsa, ikkinchi bo‘lim boshida "Sosyedad" futbolchisi Suchich ustunni nishonga oldi.

Bahsning 57-daqiqasida esa Gyuler yo‘llagan kuchli zarbadan so‘ng yuziga qarab borayotgan to‘pni Serxio Gomes qo‘li bilan qaytardi. Penaltini Vinisius aniq amalga oshirib, hisobni ochdi.

Oradan 15 daqiqa o‘tib «Madrid» yana bir penalti tepish huquqini qo‘lga kiritdi: himoyachi Xon Aramburu o‘z jarima maydoni ichida Vinisiusning oyog‘ini bosib oldi. Hakam VAR yordamida penalti belgiladi. Junior 11 metrli jarima zarbasi tepish imkoniyatini Mbappega berdi va Kilian ham bundan unumli foydalandi.

"Real" ushbu g‘alaba evaziga o‘z ochkolarini 11 taga yetkazib, jadvalda 2-o‘ringa ko‘tirilib oldi.

Ispaniya La ligasi, 5-tur
Real Sosyedad – Real Madrid 0:2 (0:0, 0:2)
Gollar: 0:1 – 58, penalti Vinisius Junior, 0:2 – 75, penalti Mbappe.
Real Sosyedad – Remiro, Xavi Lopes (Munyos, 78), Agerd (Pacheko, 75), Aramburu, Subeldiya, Bekker (Barrenechea, 63), Serxio Gomes, Subimendi, Suchich (Turryentes, 75), Kubo, Sadik (Ouskarsson, 63).
Real Madrid – Kurtua, Mendi, Ryudiger, Militao, Karvaxal, Modrich, Valverde, Gyuler (Vaskes, 77), Braim Dias (Rodrigo, 25), Vinisius Junior, Mbappe (Endrik, 90).
Ogohlantirishlar: Sadik (17), Aramburu (28), Modrich (79), Pacheko (82), Barrenechea (83).