Испания чемпионатининг 5-тури доирасида "Реал Мадрид" сафарда "Реал Сосьедад" клуби меҳмони бўлди.

Мезбонлар биринчи бўлимда жуда яхши ўйин намойиш этишди. Танаффусга қадар мезбонлар томонидан йўлланган зарбалар натижасида тўп 2 марта "Мадрид" дарвозаси тўсинига теккан бўлса, иккинчи бўлим бошида "Сосьедад" футболчиси Сучич устунни нишонга олди.

Баҳснинг 57-дақиқасида эса Гюлер йўллаган кучли зарбадан сўнг юзига қараб бораётган тўпни Серхио Гомес қўли билан қайтарди. Пенальтини Винисиус аниқ амалга ошириб, ҳисобни очди.

Орадан 15 дақиқа ўтиб «Мадрид» яна бир пенальти тепиш ҳуқуқини қўлга киритди: ҳимоячи Хон Арамбуру ўз жарима майдони ичида Винисиуснинг оёғини босиб олди. Ҳакам ВАР ёрдамида пенальти белгилади. Жуниор 11 метрли жарима зарбаси тепиш имкониятини Мбаппега берди ва Килиан ҳам бундан унумли фойдаланди.

"Реал" ушбу ғалаба эвазига ўз очколарини 11 тага етказиб, жадвалда 2-ўринга кўтирилиб олди.

Испания Ла лигаси, 5-тур
Реал Сосьедад – Реал Мадрид 0:2 (0:0, 0:2)
Голлар: 0:1 – 58, пенальти Винисиус Жуниор, 0:2 – 75, пенальти Мбаппе.
Реал Сосьедад – Ремиро, Хави Лопес (Муньос, 78), Агерд (Пачеко, 75), Арамбуру, Субельдия, Беккер (Барренечеа, 63), Серхио Гомес, Субименди, Сучич (Туррьентес, 75), Кубо, Садик (Оускарссон, 63).
Реал Мадрид – Куртуа, Менди, Рюдигер, Милитао, Карвахаль, Модрич, Вальверде, Гюлер (Васкес, 77), Браим Диас (Родриго, 25), Винисиус Жуниор, Мбаппе (Эндрик, 90).
Огоҳлантиришлар: Садик (17), Арамбуру (28), Модрич (79), Пачеко (82), Барренечеа (83).