“Manchester Siti” shanba kungi “Brentford”ga qarshi o‘yinda 23-sekundda gol o‘tkazib yubordi, ammo Erling Xolandning dubli evaziga 2:1 hisobida g‘alaba qozondi.
O‘yindan so‘ng "shaharliklar" bosh murabbiyi Pep Gvardiola o‘z fikrlarini bildirdi.
"Men Tomas Frankning ashaddiy muxlisiman. Sakkiz-to‘qqiz yil ichida ular kabi o‘ynagan jamoani eslolmayman. Bizga raqibni qachon pressing qilish kerakligini o‘qish juda qiyin edi.
Urilgan gollarda bizga omad kulib boqdi, ammo ikkinchi bo‘limda biz ko‘proq gol urishimiz mumkin edi.
Biz Premyer-liga qanchalik qiyinligini his qildik. Odamlar «Manchester Siti»ni kuchli deyishadi, lekin Premyer-liga qiyin. Men "Brentford"ning ashaddiy muxlisiman.
Ular uzoq paslar orqali o‘ynashadi, ularda o‘yin qurish qobiliyati ham bor. Men o‘z futbolchilarimni hurmat qilaman.
Men 4:0 yoki 5:0 hisobidan ko‘ra shu yo‘l bilan g‘alaba qozonishni afzal ko‘raman. Bizga bunday g‘alabalar kerak", - deya Gvardiolaning so‘zlarini keltiradi BBC.
