“Манчестер Сити” шанба кунги “Брентфорд”га қарши ўйинда 23-секундда гол ўтказиб юборди, аммо Эрлинг Холанднинг дубли эвазига 2:1 ҳисобида ғалаба қозонди.

Ўйиндан сўнг "шаҳарликлар" бош мураббийи Пеп Гвардиола ўз фикрларини билдирди.

"Мен Томас Франкнинг ашаддий мухлисиман. Саккиз-тўққиз йил ичида улар каби ўйнаган жамоани эслолмайман. Бизга рақибни қачон прессинг қилиш кераклигини ўқиш жуда қийин эди.

Урилган голларда бизга омад кулиб боқди, аммо иккинчи бўлимда биз кўпроқ гол уришимиз мумкин эди.

Биз Премьер-лига қанчалик қийинлигини ҳис қилдик. Одамлар «Манчестер Сити»ни кучли дейишади, лекин Премьер-лига қийин. Мен "Брентфорд"нинг ашаддий мухлисиман.

Улар узоқ паслар орқали ўйнашади, уларда ўйин қуриш қобилияти ҳам бор. Мен ўз футболчиларимни ҳурмат қиламан.

Мен 4:0 ёки 5:0 ҳисобидан кўра шу йўл билан ғалаба қозонишни афзал кўраман. Бизга бундай ғалабалар керак", - дея Гвардиоланинг сўзларини келтиради BBC.